// GILL-KOLLEGE \\ // GILL COLLEGE \\

VERSLAE / REPORTS:

2009-05-26
ANDER / OTHER	GILL NEEM DEEL AAN MINQUIZ Drie leerlinge van Gill-Kollege het Woensdag 14 Mei na Port Elizabeth gereis om te gaan deelneem aan die Minquiz te NMMU Minquiz is 'n vasvra wat gebaseer is op Wiskunde, Wetenskap en Tegnologie. Die vasvra bestaan uit geskrewe en mondelinge afdelings. Riaan van Gent, Julie Botha en Claudin Plaatjies het die vorige aand tuisgegaan by die King Edward Hotel. Daar het hulle 'n heerlike maaltyd geniet en na die tyd kennis gemaak met leerlinge van die ander skole. Die volgende oggend het hulle vroeg opgestaan om half agt te vertrek. Registrasie het egter eers elf-uur begin en met tyd op hul hande het die leerders die Universiteit verken. Twaalf-uur het die vasvra begin met die geskrewe toets, gevolg deur die mondelinge vasvra. Dit was 'n wonderlike ondervinding vir die leerlinge en hulle het baie geleer. Gill - Kollege hoop om volgende jaar weer deel te neem.
RUGBY	Adelaide klop Gill Adelaide Gimnasium het Gill 17 - 0 geklop. Die twee spanne het goed verdedig en Adelaide teken net voor rustyd 'n doel aan om 7 - 0 teen rustyd voor te loop. Vroeg in die tweede helfte druk Adelaide twee vinnige drieë om die wedstryd gemaklik te wen. Ander uitslae - Gill eerste genoem: Tweede span 0 - 15 Derde span 5 - 14 0/15 68 - 5 0/14 24 - 0 Gill reis Saterdag 30 Mei na Port Elizabeth om teen DF Malherbe te speel - baie voorspoed word die spelers toegewens.

2009-05-11
HOKKIE / HOCKEY	Gill Hokkie Spelers gekies vir Karoo Hokkie Span Agter: Shene van der Westhuizen,Lisa le Roux,Julie Botha,Mari Louw,Alechia Saayman Middel:Tia van Gend,Chantelle Schoeman,Carlin Jansen van Rensburg,Gabby Weyer-Henderson Voor: Danielle Coetzer,Kaylin Beach,Kayla Weyer-Henderson
NETBAL / NETBALL	Gill Netbal spelers gekies vir Cacadu Netbal span MEET THE CACADU CHAMPIONS: CAMPIONSHIP The Gill first netball team proofed their worth this past weekend when they first defeated Kirkwood en there after entered the the field to do battle with Nico Malan’s mighty first team. At the end of match time the score was even, so a further (loaded) six minutes were added. During this time Gill succeeded in remaining focused, and in the end left the court victorious 23 – 27. This was surely not an exercise in proof of own worth but a display of excellent team work. Well done, girls! CACADU-PROEWE Terwyl die 0/19-spanne dit uit gespook het om die Cacadu-kampioene te bepaal het die res van die proewe in al die ouderdomsgroepe plaasgevind In die 0/17-ouderdomsgroep het Nonelela Memese deurgedring na die volgende rondte proewe wat op 6 Junie in Uitenhage sal plaasvind. Ander spelers uit die Gill-geledere wat die eer te beurt geval het, is die volgende: 0/16: Melissa Argyle, Madeli Ferreira, Bronwyn Kock, Padroneshia Hendricks 0/15: Alzena Mulder en Simoné Webb Agter: Shene van der Westhuizen,Lisa le Roux,Julie Botha,Mari Louw,Alechia Saayman Middel:Tia van Gend,Chantelle Schoeman,Carlin Jansen van Rensburg,Gabby Weyer-Henderson Voor: Danielle Coetzer,Kaylin Beach,Kayla Weyer-Henderson
RUGBY	Gill Rugby Spelers in Middelande Rugby Proef spanne Agter: Jamain Booysen,Ricky de Klerk, Bart van der Vyver Voor: Antonie Knoetse,Garneth van Rayner,Piet Louw
RUGBY	GILL KLOP HTS NEWTON HTS Newton het die afgelope Saterdag Somerset - Oos toe gereis om op die herfsdag te kom kragte meet teen Gill Kollege se eerste vyftien. Gill het hom goed van sy taak gekwyt om die swaar pak van HTS Newton in toom te hou. Gill teken eerste punte aan met 'n strafskop. Gill se binnesenter, Jamion Booysen, gaan druk 'n pragdrie na 'n skitterende breekslag. HTS Newton druk 'n drie na volgehoue druk om halftyd te draai met die telling 13 - 8 in Gill se guns. 'n Blaps van HTS Newton in hul doel gebied lei tot die drie van flank Antonie Knoetze. Ricky de Klerk slaag met nog 'n strafdoel wat die eindtelling te staan bring op 23 - 8 in Gill se guns. Ander tellings (Gill eerste genoem): 0/14 0 - 46 0/15 49 - 10 0/19 B 11 - 19

2009-04-23
ANDER	GILL KOLLEGE KKNK 2009 Die ABSA KKNK het vanjaar sy vyftiende verjaardag gevier, en nege matriekleerders van Gill Kollege was daar om saam met die res van Suid-Afrika hierdie eiesoortige fees by te woon. Op Woensdag, 8 April het juffrou de Wet en juffrou Rautenbach hierdie avontuur aangedurf met Hessie Baderhorst agter die stuur van ons kombi. Vanuit die staanspoor was dit duidelik dat hierdie toer ‘n toneelstuk op sy eie sou wees… Oudtshoorn het ons oudergewoonte ‘n WARM verwelkoming gegee! Nadat ons onsself by Huis Soetje ingeburger het, het almal afgesit na die feesgronde om ‘n voorsmakie te kry van wat die volgende paar dae op ons sou wag. Ons eerste produksie, Driekuns van Chris Chameleon, het niemand onaangeraak gelaat nie en het die fees letterlik op ‘n hoë noot begin. Donderdagoggend was almal flink uit die vere, want die volgende produksie was net om die draai. Samoerai, ‘n drama in die tydgees van die Waterkloof vier, was briljant en dit was duidelik waarom dit die KKNK aan die gons gehad het. Top-akteurs soos Zane Meas van 7de Laan-faam en Deon Coetzee het hierdie drama onvergeetlik gemaak. 18*, ‘n tienertoneel-projek met o.a. Stian Bam het ook die asems weggeslaan. Donderdag-aand het die onderwyseresse besluit dat dit hoog tyd was vir ‘n bietjie interne vermaak, en na ‘n verhooggrimering werkswinkel, is al nege die leerders die strate in om die publiek te vermaak met hulle mimiek vermoëns. Kort voor lank was daar ‘n reuse samedromming reg voor die RSG-tent, maar dit het niks met jou ma se stasie uit te waai gehad nie. Die rande het ingerol en na sowat ‘n halfuur het ons almal ‘n koeldrank met komplimente van die publiek by die Spur gaan geniet! Vrydag was dit tyd vir ‘n bietjie meer gesofistikeerde kultuur met ‘n kontemporêre balletuitvoering. Charl Naudé het hierdie uitvoering besonder geniet… Jak de Priester het met sy Groen Mamba produksie ‘n warrelwind van emosie ontlont wat hierdie fees behoorlik op ‘n hoogtepunt tot ‘n einde gebring het. Met moeë lywe, maar warm harte het ons Saterdag, 11 April in die pad geval. Baie dankie aan die leerders vir julle samewerking, vir juffrou de Wet en juffrou Rautenbach vir die inisiatief om hierdie toer moontlik te maak, en vir Hessie Badenhorst vir haar bestuursvernuf, ons maak volgende jaar weer so!
RUGBY	Gill klop Andrew Rabie GGill se eerste rugbyspan het die afgelope naweek daarin geslaag om Andrew Rabie van Port Elizabeth met 15 - 7 te klop. Die wedstryd wat eerder gekenmerk en onthou sal word vir omstrede belslissings en insidente as vir uitstaande rugby. Andrew Rabie slaag om eerste punte aan te teken met 'n doel tewyl Gill sy rekening open met 'n strafdoel. Gill se binnesenter, Jamion Booysen druk Gill se eerste drie wat hy in die tweede helfte opvolg met 'n individuele kraglopie om sy tweede drie te druk. Gill openbaar uitstekende dissipline wat deurslaggewend is vir hul oorwinning. Ander rugby uitslae (Gill eerste genoem) 0/19 B 5 - 8br /> 0/19 C 21 - 7 0/15 A 59 - 7 0/14 A 5 - 0

2009-03-31
ANDER / OTHER	GILL KOLLEGE INGENIEURSKLUB BESOEK GRAHAMSTAD Gill se ingenieursklub het Vrydag, 27 Maart die jaarlikste Scifests Africa bygewoon. Dit is ‘n gees in Grahamstad wat die wêreld van wetenskap vir jong mense oopmaak. Die dag is begin met ‘n asemrowende laser-vertoning wat definitief een van die dag se hoogtepunte was. Daarna he tons die 1820 Setlaarsmonument verken en by elkeen van die uitstallings vasgehaak. Van robotte tot telescope tot stoomaangedrewe modelle en ‘n klimaatstasie, waar jy die effek van verksillende klimate fisies kon voel, is uitgstal. Ons het die dag afgesluit met ‘n praatjie oor water, aardbewings en tornado’s. Deur die Lesotho Hoogland waterprojek as voorbeeld te gebuirk, is ‘n wye reeks ingenieursrigtings aan ons bekend gemaak. Ons het selfs ‘n seismograaf op die proef gestel deur op die grond te spring en die visuele effek op ‘n skerm gesien. Nodeloos om te sê – die spreker het toe almal se aandag gehad. Dit was ‘n wonderlike dag. Hou die klub dop – ons beplan wonderlike dinge vir die toekoms!
HOKKIE / HOCKEY	GILL HOKKIE VS DESPATCH Op Saterdag 28 Maart het Gill se eerste hokkiespan aan die Despatch 60jaar fees deelgeneem. Wedstryde van 25 minute slegs in een rigting is gespeel. In die eerste wedstryd speel Gill teen Framesby. Carlin vier haar terugkeer van die atletiekbaan met ‘n pragdoel binne die eerste vyf minute. Tien minute later slaag Lisa le Roux en Mari Louw met goeie spanwerk daarin om die net te tref. Ongelukkig besluit die tweede skeidsregter dit was gevaarlik en trek die doel terug. Framesby van verwoed aan en minute voor die einde teken hulle die gelykmakende doel aan. Telling een elk. in die tweede wedstryd teen Nico Malan besluit kaptein Lisa le Roux om van die staanspoor die pap dik aan te maak en skiet in die eerste minuut ‘n pragtige doel. Alhoewel Gill gebiedsvoordeel besit het, kon die meisies nie verder daarin slaag om die net te vind nie. Gill wen dus vir Nico Malan 1 – 0.
SKAAK / CHESS	GILL CHESS On the 27 abd 28th of March the following Gill learners participated in the Union High School Chess tournament at the Camdeboo Resort Centre. Frik Botha, Andries du Preez, Pieter Badenhorst, Johan van der Merwe and Hano Kritzinger. A variety of schools participated and out of 44 learners Frik Botha obtained a second place, Andries du Preez, third and Pieter Badenhorst fifth. Well done, boys, we are proud of you! A big thank you to all the organizers of the tournament as well as Tannie Hessie for transporting us.

2009-03-23

ANDER / OTHER

GILL KOLLEGE MA- EN DOGTERAAND

Op Donderdag 12 Maart het Gill Kollege weereens bewys dat 'n klein skool nie klein hoef te dink nie, toe die eerste Ma-en Dogteraand aangebied is. Die organiseerders het geen moeite ontsien om die aand 'n fenominale sukses te maak nie.

Die aand was 'n heerlike kaleidoskoop van top vermaak. Leerlinge van die Black and White Theatre Company het die gehoor bekoor met onder andere 'n ballet uitvoering deur die ballerinas van Graad 1 - 3 en Trevisha en Sinesipho se sangtalent. Die twee fantastiese mansstemme van Johnson Nqongoza wat onlangs by die Black and White Theatre Company aangesluit het, het asems weggeslaan en die sanggroep en dansitems het nie teleurgestel nie.

'n Modeparade met skeppings van Heinz en Alec van Vuuren, beide ontwerpers van Port-Elizabeth was 'n lus vir die oog en almal het saamgestem dat Gill Kollege beslis die tuiste is van die mooiste meisies in die land.

Die hoogtepunt van die aand was egter die gasspreekster, Elsabé Aldrich. Bekende motiveringsspreekster en skryfster van onder andere "Is jy cool of common" en "Vonkelkyk op die lewe", het die dames laat skater van die lag met haar pittige kommentaar op die lewe en veral vrouwees. Daar is geen beter terapie as humor nie en almal se batterye was weer herlaai toe die gordyne toegaan.

Ons opregte dank en waardering aan elke gasvrou wat hul elegansie aan die aand verleen het. Die borge, Bella Day Spa en Mc Caughy Apteek, word bedank vir die heerlike pryse. 'n Hartlike woord van dank aan Mej H. de Wet en Me A. Zietsman wat hierdie aand moontlik gemaak het - ons hoop om julle almal weer volgende jaar daar te sien!

REDENAARS / PUBLIC SPEAKING

PUBLIC SPEAKING

Two learners from Gill College, Sheree Marinus (Grade 12) and Bronwyn Slater (Grade 11), participated in a public speaking competition on Wednesday, 18 March 2009 at Union High in Graaff Reinet.

Their topic was as follows:
Should parents be held legally and morally responsible for the actions/needs of their children?
Both learners had to make a prepared speech of 6 minutes and they also had to participate in a panel discussion on an unprepared topic.

Both learners did an excellent job against very strong competition. We are very proud of Sheree Marinus who came first and Bronwyn Slater, who took second place. These two learners are participating in Port Elizabeth on 8 May. We wish them the best of luck!

SPORT

MR PRICE GILL KOLLEGE SPORTDAG

Wat 'n dag! Dit was regtig 'n wonderlike dag waar twaalf rugbyspanne, vier hokkiespanne en ses netbalspanne gespeel het. Altesaam het 368 kinders deelgeneem aan die dag se verrigtinge. Aan al die skole wat moeite gedoen het om ons te kom besoek wil Gill Kollege net baie dankie sê. Baie dankie aan al Laerskool Gill vir julle ondersteuning en deelname aan die dag.

Die uitslae van die rugbywestryde is as volg:

Gill 0/13 A
Gill 0/11 A
Despatch 0/14
Despathc 0/15
Gill 0/14
Gill 0/15
Hoërskool Cilliers
HLS Winterberg
DF Malherbe
Nico Malan
Greame Kollege
Gill-Kollege

45
31
60
46
0
18
29
10
22
11
43
55

Adelaide 0/13 a
Adelaide 0/11 A
Aeroville 0/14
Aeroville 0/15
DF Malherbe
DF Malherbe
Middellande Sekondêr
HTS Newton
Aeroville
Adelaide Gim
Despatch
Middelburg

7
0
12
7
44
18
21
16
5
5
11
0

HOKKIE:

Gill 0 Nico Malan 0
Gill 5 Adelaide Gim 0
Gill 5 Winterberg 0

Gill se span het goed gespeel en toon baie potensiaal vir die res van die jaar. Baie geluk aan al die meisies wat gespeel het, ons is trots op julle!

GILL BEGIN SEISOEN OP HOë NOOT

Tydens die jaarlikse Mr Price Gill Kollege Sportdag het Gill Kollege in die hoof wedstryd teen Middelburg te staan gekom in hul eerste wedstryd van die seisoen. Na 'n blitzkrieg van 'n kwartuur word Middelburg se doellyn drie maal oorgesteek deur Gill se agterlyn. Deur goeie spanwerk en verdediging moet Middelburg die keerwerk doen en Gill die speelwerk. Teen halftyd was Gill gerieflik voor met 'n telling van 29 - 0.

Met 'n verkorte tweede helfte ryg Gill nog 4 drieë in om die wedstryd oortuigend met 55 - 0 te wen.
Gill speel Saterdag 28 Maart om 21h00 die hoofwedstryd teen Hoërskool Despatch tydens die Despatch Rugbyfees.

NETBAL:

Sewe netbalspanne het Saterdag aan 'n rondomtalie-roernooi deelgeneem.

Deelnemende skole was:
Adelaide Gimnasium, Gill (met twee spanne), Middelburg (met twee spanne), Nico Malan en Winterberg.
Vir die meeste deelnemers was dit die eerste wedstryd vir die komende seisoen en dit was 'n uitstekende geleentheid om nuwelinge in die spanne in te burger en om nuwe spankombinasies te toets.

Nico Malan neem die nommer een posisie in met alle wedstryde gewen en die meeste doele, dan volg Middelburg 1 (uitstekende doel!). Gill 1 neem die derde posisie in.

2009-03-10
TENNIS	Junior Tennis vs. Winterberg Op Donderdag 5 Maart speel Gill se junior tennisspanne, seuns en meisies, teen Winterberg I te Somerset Oos. Die spanne speel gelykop met 'n eindtelling van 9 elk.
FIETSRY / CYCLING	Argus-ryers kry die wind van voor Die Kaapse dokter was die Sondag (8 Maart) nie op genesing ingestel nie. Inteendeel dit het baie meer kwaad as goed gedoen. Die rook van die Kaap was wel weg, maar die ekstra CO2 wat die 35000 fietsryers moes vrystel het dit uitgekanseleer. Met die aankoms het ons reeds gewroeg om by die wegspring te kom. Toeskouers hou aan die pale vas, kameramanne waai om, met kameras en al en al die "Port O Potties" le opsy. Die warrelwinde tussendeur die geboue van die Kaapse middestad veroorsaak omtrent verwarring tussen die fietsryers. 35 000 Fietsryers spring in groepe van 700 - 1000 van 06:00 - 11:00 weg. Slegs 'n 100 meter in die wedren in word daar vir ons gese ons moet afklim en stoot anders waai ons en ons kosbare fietse om. Binne die eerste paar kilometer sien jy net honderde fietsryers wat in die teenoorgestelde rigting trap. Die moed het maar laag geloop want hulle het opgegee. Op die ou einde het slegs 27 000 die wedloop voltooi. Al het die wind ons gebuig en gebreek het die skilderagtige uitsigpad Chapman's Peak uit en uit daarvoor opgemaak. Die bykomende Boye's Drive was ook iets om na uit te sien. Aan die einde van die dag was dit "Mind over Matter". Selfs al het die wind ongelooflik sterk gewaai, was die professionele fietsryers se tye steeds in die kol met tye wat slegs 20 minute swakker was as gewoonlik. Dit wys jou - as jou kop reg is sal jou bene net so reg wees. MIND OVER MATTER!!!
RUITERKUNS / HORSE RIDING	Gill ruiter blink uit Michelle Botha was deel van die SA Boerperdspan van 7 ruiters wat hierdie naweek teen die Morgan span van die VSA deelgeneem het. SA het die goue medalje gewen! Michelle is aangewys as die nommer een ruiter van die SA span, en sy was puntegewys die sterkste ruiter uit beide SA en die VSA. Baie geluk met hierdie pragtige prestasie - ons is trots op jou!

2009-03-04
TENNIS	Gill vs Adelaide Op 24 Februarie speel Gill se eerste Junior meisiespan teen Adelaide se eerste meisiespan op Somerset Oos. Die seunsspan van Gill sê Adelaide se eerste span die stryd aan met baie goeie resultate. Alhoewel die laaste twee wedstryde dood gereën het, beklink Gill hierdie wedstryde met 14 - 2. Baie geluk! Gill tennis meisies wys hul staal by Tjaart Vorster Tennistoernooi Gill se meisies tennissoan het vanaf die 25ste Februarie tot 28 Februarie te Cradock deelgeneem aan die Tjaart Vorster Tennistoernooi. Dit was lekker om in die tuishuise saam met die ander tennisspanne van reg oor die land tuis te gaan, o.a. Hoërskool Nelspruit, Outeniqua, Paarl Gimnasium en Afrikaans Hoër Seunsskool van Pretoria. Die komptetisie was straf, maar Gill se meisies eindig nie laaste nie! Spelers: L. Le Roux (k) S. de Klerk A. Saayman S. v.d. Westhuizen C. Froehlich T. van Gend L.M. Zietsman Baie dankie aan die meisies vir die goeie sportmanskap en dissipline, ons is trots op julle!
ANDER / OTHER	Dance, dance, dance! Hierdie dametjies moet dopgehou word - een van die dae sien ons hulle grasieus ronddans op die punte van hul tone! Die danseressies werk elke Dinsdag en Donderdag kliphard en sal by die Ma-en Dogterdag op 12 Maart te siene wees - moet dit nie misloop nie!

2009-02-17
ANDER / OTHER	Groot verwikkelinge by Gill Kollege Verlede week het werk in alle erns by Gill Kollege begin toe die munisipale werkers skouer aan die wiel gesit en die plaveisel begin lê het. Daar word sedertdien elke dag gewerskaf en binnekort sal Gill spog met 'n splinternuwe rylaan en vierkant. Baie dankie aan almal wat bydra tot die sukses van die projek, julle hulp en inisiatief word opreg waardeer.
ATLETIEK	Gill Atletiek - OP Kampioenskappe Die OP Kampioenskappe het vind plaas op 14 Februarie by NMMU in Port Elizabeth, en die volgende leerders het as volg presteer: Carlin Janse van Rensburg: 800m 2de Plek 1500m 3de Plek Karissa Nel: 400m Hekkies 3de Plek 400m 4de Plek Atletiek Bekerwenners: Voor: Doriaan Claassen, Jordaan Schoeman, 2e Ry: Carlin Janse van Rensburg, Karissa Nel, Corlé Ferreira, Nolene Streicher, Garneth van Rayner 3e Ry: Shené vd Westhuizen, Julie Botha, Howard Kock, Lorenzo van Rayner Agter: Simon Streicher, Francois Mathyse, CJ Lombard Victrix en Victor Ludorm: CJ Lombard is aangewys as die Junior Victor Ludorm en Corlé Ferreira as Junior Victrix Ludorm. Karissa Nel is Gill se Senior Victrix Ludorm en Simon Streicher die Senior Victor Ludorm. Baie geluk met hierdie mooi prestasie!
TENNIS	Tennis VS Marlow Op 16 Februarie het Gill 'n seunsspan en 'n meisiespan na Marlow gestuur om hulle die stryd in 'n tenniswedstryd aan te sê. Die Gilliane speel teen Marlow se eerste en tweede tennisspanne. Vir Gill het Ricky de Klerk en Francois Froehlich hulle wedstryde gewen en enkele ander wedstryde was naelskraap, maar Marlow beklink hierdie stryd. Baie geluk.

2009-02-03
ANDER / OTHER	Gill-Kollege Ingenieursklub Al ooit gewonder hoe om 'n ballon binne-in 'n botttel op te blaas? Vra vir enige ingenieursklublid en hulle sal presies die wetenskaplike storie agter die storie vir jou kan vertel. Gedurende die eerste byeenkoms van 2009 is 'n kort vergadering gehou en daarna was die groot pret om te sien hoe die spanne planne maak om die ballon in die bottel opgeblaas te kry. ..alles behalwe die gewone konvensionele manier! Die ingenieursklub het groot planne vir 2009, hou ons dop!
VCSV / UCSA	Gill Kollege CSV Kringleier Seminaar Gedurende die naweek van 23-25 Januarie was Gill Kollege die gasheerskool van die CSV streeksseminaar vir kringleiers. Sestig uitbundige, jolige, vrolike tieners van Winterberg, Adelaide Gimnasium, Templeton, PJ Olivier en Gill Kollege het in die Laerskool Kafeteria saamgetrek. George, Michelle en 'n baie bekwame CSV Diensjaarspan het die verrigtinge gelei. Die 2009 tema is: "B2B" - Back to Basics. Die naweek is afgewissel tussen lekker speel en lag en dan diep ernstige gesprekke en besprekings rondom "B2B." Saterdagaand was 'n hoogtepunt. In die teenwoordigheid van die "Kruis" en kerslig het baie tienerharte weer teruggekeer na die basics van hul geloof - JESUS CHRISTUS! Mag 2009 die jaar wees waarin die Basis weer 'n vaste fondament sal word - dan sal die huis (skool) nie wankel nie. Sterkte!
KRIEKET / CRICKET	Gill 0/15 Krieket vs Marlow Gill wys verlede week hul staal teen die Wolramme en kolf eerste. Ons teken 141 lopies aan. Zandré Schoonbee teken 38 lopies aan met Renaldo Meyer (19), Van Zyl Botha (15) en Steven Hogg (12) wat almal bydraes met die kolf lewer. Marlow B-span gaan kolf en is gou in die moeilikheid met 14 lopies vir 6 paaltjies. Peet Schoeman skop vas met 30 lopies en Marlow word uitgeboul vir 72 lopies. Gill se beste bouler is weer Zandré Schoonbee met 5 paaltjies vir 15 lopies wat hom da ook die waardevolste speler van die wedstryd maak. Gill wen hierdie wedstryd met 69 lopies. Mooi so manne!!
KRIEKET / CRICKET	OP-Platteland Krieket gedurende Desember 2008 Gedurende die Desember-vakansie het Ricky de Klerk, Andre van der Westhuizen en Bernard Louw O.P.Platteland in Welkom verteenwoordig. O.P. Platteland het drie uit hul vier wedstryde gewen, 'n prestasie wat aan hulle 'n plek as een van die top 3 spanne van die toernooi besorg het. Spanne van verskeie provinsies was teenwoordig. Die deelnemers het dit geniet en baie waardevolle ondervinding opgedoen.

2009-01-27
KRIEKET / CRICKET	Gill Eerstes vs Jansenville Gill se krieketspan het die afgelope naweek op Jansenville gaan krieket speel. Die span vaar baie goed met goeie kolfwerk, boulwerk en veldwerk. Gill se spelers toon goeie dissipline op en vanaf die veld. Bernard Louw boul 8 beurte en neem 3 paaltjies vir 11 lopies. Kevin Spann boul 7 beurte en neem 3 paaltjies vir 18 lopies. Francois Froelich wys sy staal met 67 lopies nie uit nie en Bernard Louw speel 'n Kapteinsbeurt en behaal 40 lopies. Ons klop Jansenville met 30 lopies Baie geluk aan GIll se eerste span met 'n puik oorwinning!
TENNIS	Senrtale Distrikte Tennisproewe op Cradock Op 24 Januarie het die sentrale Distrikte tennisproewe op Cradock plaasgevind, en die volgende spelers van GIll is opgeneem in die S.D tennisspan. S 0/18 Ricky de Klerk D 0/18 Sasha Lee de Klerk Lisa le Roux D 0/16 Alicia Saayman Shene van der Westhuizen M 0/14 Louise Mari Zietsman Charlene Froehlich OP 26 en 27 Januarie het die OP Platteland Tennisproewe te Graaff-Reinet plaasgevind en die volgende spelers is in die span opgeneem: S 0/18 Ricky de Klerk D 0/18 Sasha Lee de Klerk D 0/14 Charlene Froehlich Louise Mari Zietsman Baie geluk!
TWEEKAMP / BIATHLON	Gill Tweekampers in OP-span Op 24 Januarie het die volgende Gill Tweekampers hulle pad oopgeveg vir n plek in die OP-span. Die volgende leerders is gekies: S 0/17 Jeandré Pieterse B-span D 0/17 Carlin Janse van Rensburg A-span D 0/15 Corlé Ferreira B-span Baie geluk aan hierdie leerders wat op 7 Februarie die OP-span in Oudshoorn gaan verteenwoordig!
MUSIEK / MUSIC	Musikale Melissa: Melissa Argyle, 'n Gr 10 leerder aan Gill Kollege, het haar Gr 6 Unisa Praktiese Eksamen met lof geslaag. Sy slaag ook haar Unisa Gr 5 Teorie eksamen met lof. Baie geluk met hierdie uitstaande prestasie, dit wil gedoen wees!

Click here to close this window
Kliek hier om die venster toe te maak